Concurs Mostra "CONTRAST"

Concurs davert a düc i artisc dles valades ladines sön le tema dal “CONTRAST”

L’EPL adöm al Istitut Ladin Micurá de Rü scrî fora n concurs sön le tema “Contrast”, por na mostra tl salamënt dl Istitut Ladin a San Martin de Tor

Curada da

Verena Malfertheiner y Katharina Moling

Informaziuns generales:
Post dla mostra: Istitut Ladin Micurá de Rü
Le concurs è davert: ai mëmbri dal’EPL + a düc i artisc dles valades ladines
Daurida dla mostra: vëndres ai 4 de agost 2017 – 18.00
Dorada dla mostra: cina ai 25/08/2017

Organisaziun y coordinamënt: Verena Malfertheiner y Katharina Moling- curadësses dla mostra

Contignü dla mostra: le tema che é gnü chirí fora é "CONTRAST". Sciöche al è bele gnü fat ince tl ann 2015, tolunse ince en chësc ann le medemo conzet: al è indo gnü fora la bandida de concurs por SMACH y insciö orunse fá na mostra paralela tl salamënt de istitut.

Termins y condiziuns por tó pert ala mostra
● Tó pert ala mostra pó düc i artisc’/tes scric/tes ite al’EPL y düc i artisc dles valades ladines (Fascia, Fodom, Gherdëna, Ampëz y Val Badia) – al gnará fat na seleziun de 5 artisc dal’EPL y 4 artisc da foradecá
● Al foss dër important che vignun se dess jö cun le tema y menass ite laurs che ne è nia ciamó gnüs mostrá te d’atres coletives o persolanes.
● An pó dé jö deplü propostes, che gnará spo chirides fora (aladô dla lerch)
● Al pó gní dé jö laurs fora de vigni ciamp dl’ert figurativa: pitöra, dessëgn, fotografia, scultöra, istalaziuns, video y i.i.
● I/les artisc/tes mëss dé jö chësta documentaziun:
— I dac anagrafics cun la misciun ajuntada cun le numer de telefonn y sce ara va ince la misciun e-mail.
— La/les foto dl/di laur/s mëss gní menades ite cun la descriziun (inom, cognom, contac (mail y nr. de telefonn), titul dl’opera, mosöres, material, tecnica)
— Na cörta descriziun dl laur/di laurs che vëgn mené/á ite
● Le material mëss gní mené ite anter i 23.06.2017 tres e-mail ala misciun: coletivaepl@gmail.com (n OK de resposta da pert dla organisaziun sará la conferma che la mail é rovada adalerch) - sce i orëis podëise mené ite por posta ala misciun: Katharina Moling, Str. Lé 7, 39030 La Val.
● Implü po les curadësses ince chirí fora por la mostra d’atres operes d’ert di/dles artisc/tes
● 30.06.2017: comunicaziun di artisc’ che é gnüs chiris fora por la mostra
● 4.07.2017: porté adalerch tl Istitut Ladin Micurá de Rü a San Martin de Tor i laurs dales 14.00 ales 15.00.
● Les spëises dla produziun dl’opera y dl trasport va a cost dl/a artist/a.
● L’EPL y le Istitut Ladin ne surantol nia la responsabilité por danns ai laurs (no denant, tratan y/o do la mostra)
● Por informaziuns prëibel telefoné a Katharina Moling: 3343348555.
● Le grup de laur dl’EPL, Seziun ert figurativa: Gustav Willeit, Davide Brandlechner, Michael Moling y le Istitut Ladin Micurá de Rü – se crüzia dl alestimënt