Mostra "CONTRAST"

Curada da

Organisaziun:

Vernissage:

Mostra

Artisć:

GIULIANA CASTLUNGER 
  SARA DAPOZ
  PIERANGELO GIACOMUZZI 
  GABRIELE GRONES 
  JOSEF IRSARA
  FRANZ IRSARA 
  ALBERT MELLAUNER 
  MARKUS MOLING 
  MICHAEL MOLING 
  CHRISTINE RUNGGALDIER 
  MATTHIAS SIEFF 
  MARTINA STUFLESSER 
  GUSTAV WILLEIT 
 

I contrasć sotrissëia les particolarités de na cossa, de n oget. Sc’al ne foss nia la nöt n’aprijasson nia le de, zënza la mort n’ess la vita nia chë gran valüta, y zënza le vërt n’ess le cöce nia la medema faziun. La parora contrast, che vëgn dales espresciuns latines contra y stare, descrí valch che resaltëia, dal momënt ch’ara ti dá forma a na oposiziun o a na contradiziun.
La natöra dles contradiziuns pó ester dër desvalia. Ci che ares á deboriada é che süa forza d’espresciun vëgn renforzada dal confrunt.
Por chësta mostra él gnü chirí fora trëdesc artisć, danter chi che s’á dé jö cun la tematica dl concurs „Contrast“. Les operes dades jö evidenziëia la varieté de manires desvalies te chëres che i contrasć pó gní a löm.

Les operes de Markus Moling é caraterisades da contrasć formai. I depënc de Albert Mellauner mostra sciöche n contrast pó ince gní a s’al dé tres na contraposiziun de corusc, fajon referimënt a na contradiziun ch’an pó avëi daite. N contrast vëgn ince fora dales linies tleres y stersces dles siluëtes de Franz Irsara, dala simulaziun de movimënc y de profondité di depënc de Sara Dapoz y dal’interaziun danter materialité y dimenjiun dles scultöres de Christine Runggaldier. Tles operes gra ches de Josef Irsara se desfantëia i contrasć otics danter les linies, tres n spostamënt apëna da odëi da man dërta cuntra man ciampa y dal alt cunra le bas. Ince les operes tesciüdes de Martina Stuflesser, che soga artisticamënter cun le contrast di corusc, mostra sö n contrast che alda lapró; la descrepanza danter le valur ch’i ti dun a n toch de guant y le laur ch’al é da le fá. Le video de Pierangelo Giacomuzzi - Tree sters spliga l’antagonism de dui monns, che depënn impó un dal ater. Pro le retrat realistich de Gabriele Grones y les püces righes di dessëgns, che pé tl pröm momënt daldöt naturales mo impó dër avisa, de Giuliana Castlunger, dál imënt ch’al sides na contradiziun danter le motif y le cheder sön chël che l’opera é gnüda realisada. Tles fotogra es de Gustav Willeit devënta le soget instës fontana dla contradiziun. Pro l’istalaziun de Michael Moling, vëgn le tema fora simbolicamënter, dal momënt che l’artist mët adöm döes sferes en contrast danter ëres. Tla scultöra de Matthias Sieff ciafa le contrast forza dala tenjiun che vëgn a s’al dé tl jüch danter les proporziuns y l’assialité dl corp.